Ляхавіччына ганарыцца сваімі таленавітымі, працавітымі, спагадлівымі, нястомнымі зямлячкамі
На ўрачыстасцях з нагоды Дня жанчын узнагароды самым лепшым, самым дастойным уручыў старшыня райвыканкама Дзмітрый Бурдук. На сцэну паднімаліся галоўны заатэхнік СВК «Шлях новы» Ганна Кухарчык, загадчыца тэрапеўтычнага ад-дзялення райбальніцы Аксана Вечар, выкладчыца школы мастацтваў Ірына Тулейка, былыя настаўніцы Ірына Піскун, Зоя Осіпава і многія іншыя прадстаўніцы прамысловай сферы і сельскай гаспадаркі, медыкі, педагогі, работнікі органаў дзяржаўнага кіравання, райпо, ветэраны працы. Іх усмешкі красамоўней любых слоў: жанчынам пасуе вясна!
