Няроўны рух. У Ляхавіцкім раёне люстэрка з праязджаючага грузавіка ўпала на лабавое шкло легкавушкі
Днём 8 снежня на 27-м кіламетры аўтадарогі Баранавічы-Ляхавічы (недалёка ад райцэнтра) у грузавога аўтамабіля “Мэрсэдэс” пры раз’ездзе з “пежо” адвалілася бакавое люстэрка задняга віду і ўпала на лабавое шкло легкавушкі. Пасля ДТЗ вадзіцель “мэрсэдэса” пакінуў месца аварыі і прадоўжыў рух. За рулём грузавіка, які належыць адной з арганізацый г. Пінска, аказаўся жыхар горада над Пінай. Пацярпелы – 40-гадовы ляхавічанін. Яго машына атрымала механічныя пашкоджанні.
Па факце ДТЗ вядзецца праверка.
Аляксандр АНІКЕВІЧ, старшы дзяржаўтаінспектар АДАІ.
