В Ляховичском районе всю ночь искали пропавшего подростка
6 студзеня ў 22.40 у цэнтр аператыўнага кіравання РАНС г.Ляхавічы паступіла тэлефанаванне ад дзяжурнага ўрача Брэсцкай абласной псіхіятрычнай бальніцы «Крывошын». Ён паведаміў, што ў 20.10 з палаты, якая знаходзіцца на другім паверсе, праз акно збег 14-гадовы пацыент і дагэтага часу яго месцазнаходжанне невядома. У вёску Крывошын для аказання дапамогі ў пошуку падлетка адправіліся выратавальнікі і міліцыянеры.
Устаноўлена, што жыхар вёскі Рагачы быў апрануты ў піжаму, пры сабе не меў сродкаў сувязі, хранічныя захворванні ў яго адсутнічаюць.
Непаўналетняга шукалі выратавальнікі з Ляхавічаў, г. Баранавічы, Пінска, Брэста, супрацоўнікі Ляхавіцкага РАУС, міліцыянер-кінолаг з нямецкай аўчаркай аддзялення па ахове аб’ектаў у горадзе Ляхавічы Баранавіцкага аддзела дэпартамента аховы МУС.
7 студзеня ў 4.35 хлопчык быў знойдзены недалёка ад аграгарадка Малое Гарадзішча. Падлетак для абследавання дастаўлены ў райбальніцу г. Ляхавічы.
Дзмітрый БЕРТАШ, выконваючы абавязкі начальніка РАНС.