Праўнукі пра прадзедаў. «ЛВ» аб’яўляе конкурс

Напярэдадні знамянальнай падзеі – 70-годдзя вызвалення Беларусі ад фашысцкіх захопнікаў – “Ляхавіцкі веснік” і аддзел адукацыі, спорту і турызму райвыканкама аб’яўляюць конкурс сачыненняў “Праўнукі пра прадзедаў”.

Запрашаем да ўдзелу ў творчым конкурсе школьнікаў, навучэнцаў, студэнтаў, усіх, каму неабыякава тэма Вялікай Айчыннай вайны і Вялікай Перамогі, хто хоча падзяліцца з землякамі сваімі думкамі і разважаннямі, расказаць пра родных, суседзяў, знаёмых і незнаёмых герояў вайны і яе сведкаў.

Творчыя работы ў рэдакцыі “ЛВ” чакаем да 20 чэрвеня ўключна (у тым ліку па пошце і па электроннай пошце). Лепшыя сачыненні будуць абавязкова надрукаваны  на старонках “ЛВ”.