Помнім. 22 чэрвеня — Дзень усенароднай памяці ахвяр Вялікай Айчыннай вайны

Першай прыняла на сябе ўдар фашыстаў Брэсцкая крэпасць.

73 гады назад 22 чэрвеня таксама прыпадала на нядзелю. Страшна нават падумаць, уявіць, што адчувалі, што перажывалі людзі, каго на бясконцыя месяцы і доўгія гады накрыла чорнае крыло вайны. “Ужо 24 чэрвеня 1941 г. на тэрыторыі раёна каля в. Завінне 55-я стралковая дывізія ўступіла ў баі з ворагам… 25 чэрвеня баі працягваліся на рацэ Шчара”, – гэтымі радкамі пачынаецца занатаваны ў кнізе “Памяць. Ляхавіцкі раён” летапіс гераічнай барацьбы з фашызмам на ляхавіцкай зямлі.

І толькі ў ліпені 44-га яна была вызвалена – свабода! Шлях да вызвалення быў цяжкім, гераічным, самаахвярным. Нельга забыць, нельга забываць. Мір заваяваны ў жорсткай барацьбе з бязлітасным ворагам. Франтавікі і партызаны, работнікі тылу і насельніцтва акупіраваных тэрыторый – усе паспыталі жахі страшнай вайны, і кожны на сваім месцы, як мог, набліжаў перамогу.

Усе мы дакладна ведаем: самая галоўная каштоўнасць – мір.

Мір нашаму дому.