Сезон атручванняў аб’яўляецца адкрытым

Летам павялічваюцца не толькі тэмпература паветра і колькасць людзей, якія загараюць на пляжы, але і колькасць харчовых праблем, у тым ліку атручванняў. Гэта адбываецца па розных прычынах: хутка псуюцца прадукты, нямытыя рукі і г.д.
Забруджаная або дрэнна апрацаваная агародніна, фрукты, зяленіва, грыбы з’яўляюцца найбольш распаўсюджанымі крыніцамі харчовых атручванняў. У летнія месяцы пашыраецца дыяпазон бактэрый і іншых мікраарганізмаў, якія могуць зрабіць ежу небяспечнай для здароўя чалавека. Пры няправільным прыгатаванні або захоўванні яе ў цяпле колькасць шкодных мікраарганізмаў рэзка ўзрастае. Да самых распаўсюджаных мікраарганізмаў, якія выклікаюць харчовыя атручванні летам, адносяцца сальманела, кішэчная палачка і стафілакок.
Найбольшая колькасць атручванняў у раёне адбылася ў быце, хатніх умовах, у выніку выкарыстання ў ежу сапсаваных прадуктаў. У мінулым годзе было зарэгістравана 45 выпадкаў атручванняў (34 – вострыя кішэчныя інфекцыі, 11 – сальманелёз), сёлета 27 выпадкаў (24 – вострыя кішэчныя інфекцыі, 3 – сальманелёз).
Каб папярэдзіць такія праблемы, неабходна прытрымлівацца пэўных правіл.
1. Асабістая гігіена:
трэба падтрымліваць чысціню посуду і на кухні; карыстацца асобнымі нажамі для сырых прадуктаў (мяса, рыбы); захоўваць прадукты ў недаступных для мух месцах (сеткі на вокнах); трымаць закрытай ёмістасць для смецця; накрываць стравы і прадукты.
2. Эфектыўная кулінарная апрацоў- ка:
мяса патрабуе хуткага прыгатавання; сырыя яйкі трэба прамываць цёплай вадой з содай; агародніну, фрукты добра прамываць; не змешваць у салатах гарачыя і халодныя прадукты; ахалоджваць гарачыя стравы, парэзаўшы на кускі; не захоўваць прадукты пры тэмпературы вышэй за 6 градусаў; гатовыя кулінарныя вырабы хутка ўжываць; вы-кідваць ежу, калі ёсць сумненні ў яе якасці.
Трэба памятаць, што:
— аптымальная для гібелі мікраарга-нізмаў варка (пры тэмпературы +100 градусаў) забяспечвае раўнамерную апрацоўку (мяса – 2,5 гадзіны, птушку – 1,5 гадзіны); пры смажанні тэмпература ўнутры прадукту можа не перавышаць +60 градусаў, што недастаткова для знішчэння некаторых мікробаў. Таму пасля смажання неабходна праграванне ў духоўцы на працягу 5-8 мінут. Пры праколванні смажанага мяса бескаляровы сок сведчыць пра гатоўнасць прадукту.
Каб засцерагчыся ад раслін і прадуктаў, якія могуць стаць ядавітымі, трэба: не ўжываць грыбы, якія вы не ведаеце; сабраныя грыбы кансерваваць і смажыць толькі пасля тэмпературнай апрацоўкі; не ўжываць пазелянелую бульбу; кансервы не захоўваць больш за два гады.
Пры сімптомах харчовага атручвання звяртайцеся да ўрача. Вельмі часта многія людзі спрабуюць лячыцца самастойна, што пагражае непрыемнымі вынікамі.
Вольга НАРУТА, памочнік урача-гігіеніста райЦГіЭ.