На дарозе «Пешаход». 28 лістапада ў краіне пройдзе адзіны дзень бяспекі дарожнага руху
Сітуацыя з бяспекай дарожнага руху на тэрыторыі вобласці працягвае заставацца скла¬данай. Па-ранейшаму найбольш неабароненай катэгорыяй яго ўдзельнікаў з’яўляюцца пешаходы. Асаблівую заклапочанасць выклікае незахаванне пешаходамі правіл паводзін на дарогах і вуліцах населеных пунктаў, невыкарыстанне ў цёмны час сутак святлоадбівальных элементаў. Толькі за 10 месяцаў гэтага года на тэрыторыі вобласці з удзелам пешаходаў зарэгістравана 184 ДТЗ, у выніку якіх 37 чалавек загінулі, 155 – траўміраваны, у 6 выпадках пешаходы знаходзіліся ў стане алкагольнага ап’янення.
На тэрыторыі Ляхавіцкага раёна зарэгістравана адно ДТЗ, у якім загінуў пешаход.
З 14 па 24 лістапада на тэрыторыі раёна праводзіцца спецыяльная аперацыя “Пешаход”.
28 лістапада ў краіне пройдзе адзіны дзень бяспекі дарожнага руху пад дэвізам: “Пешаход! Паважай пешаходны пераход!”.
Дзяржаўтаінспекцыя просіць аб усіх фактах парушэння ПДР вадзіцелямі і пешаходамі, у тым ліку аб знаходжанні іх на праезнай частцы ў нецвярозым стане, паведамляць па тэл. 102.
Мікалай ДЫЛЕЎСКІ,
старшы дзяржаўтаінспектар АДАІ.