На двух колах. Падчас рэспубліканскай акцыі “Два колы – двайная небяспека” ў Ляхавіцкім раёне прайшоў мотапрабег
Штогод на дарогах павялічваецца колькасць транспарту, у тым ліку матацыклаў і скутараў. Захаванню правілаў дарожнага руху вадзіцелямі сталёвых коней АДАІ надае асаблівую ўвагу.
У красавіку падчас рэспубліканскай акцыі “Два колы – двайная небяспека” ў Ляхавіцкім раёне прайшоў мотапрабег з удзелам мясцовых байкераў. Супрацоўнікі Дзяржаўтаінспекцыі правялі з імі прафілактычную гутарку: нагадалі пра неабходнасць захавання ПДР і важнасць узаемапавагі на дарозе, пра тое, што шум матацыклаў можа перашкаджаць навакольным.
Матацыклісты праехалі па дарогах раёна ў суправаджэнні машыны ДАІ.
Сяргей ЖЫТКО,
начальнік АДАІ РАУС.