Многа снегу

Зіма ўдарыла маразамі, накруціла сумётаў, пакрыла рэчкі льдом. Такім чынам устанавіла сваё каляндарнае ўладаранне і праверыла людзей на гатоўнасць да свайго прыходу. Да барацьбы з такімі “падарункамі” людзі падрыхтаваліся. Канешне, без традыцыйных лапат, якія незаменныя ў раскідванні снегу, не абысціся. Аднак, галоўная дзеючая сіла ў ліквідацыі наступстваў надвор’я — шматфункцыянальная тэхніка. Менавіта такая ёсць у наяўнасці ў КУМВП ЖКГ “Ляхавіцкая ЖКГ”. І з яе непасрэднай дапамогай камунальнікі паспяхова спраўляюцца са снегам і сумётамі, расчышчаюць дарогі.