Рэзерв ёсць. Адбылося сумеснае пасяджэнне раённага Савета дэпутатаў і раённага выканаўчага камітэта Ляхавіцкага раёна
У мінулы аўторак адбылося сумеснае пасяджэнне раённага Савета дэпутатаў і раённага выканаўчага камітэта. На разгляд выносіліся пытанні аб прагнозе сацыяльна-эканамічнага развіцця раёна на 2016 год, аб бюджэце раёна на 2016 год і іншыя. Кіраўнік дэпутацкага корпуса раёна Яўгеній Юрлевіч спыніўся літаральна на ўсіх аспектах сацыяльна-эканамічнага развіцця Ляхавіччыны, падкрэсліў, што аснова асноў у рабоце заканадаўчай і выканаўчай ўлады – клопат пра чалавека. За гэты год нямала зроблена па добраўпарадкаванні тэрыторый, у тым ліку ў сельскай мясцовасці, выкананы сацыяльныя стандарты, шмат бюджэтных сродкаў пайшло на ўмацаванне матэрыяльна-тэхнічнай базы ўстаноў аховы здароўя, адукацыі, культуры. Але рэзервы па-ранейшаму ёсць.
Аналізуючы праект прагноза сацыяльна-эканамічнага развіцця раёна на 2016 год, намеснік старшыні райвыканкама Таццяна Кацуба адзначыла, што асаблівая ўвага будзе надавацца росту экспарту тавараў і паслуг, прыцягненню прамых замежных інвестыцый, стварэнню новых працоўных месцаў.
Дэпутаты зацвердзілі раённы бюджэт на 2016 год. Разгледжаны і іншыя пытанні, якія стаялі на парадку дня.
Галіна ЗАРЭЧНАЯ.