“Гарэзлікі” падарылі калядны “Церамок”

У Падлескай Святадухаўскай царкве па традыцыi ў свята Нараджэння Хрыстова выступiлі рабяты з гуртка «Гарэзлiкi» з iнсцэнiроўкай «Церамок» па аднайменнай казцы. Дзецi віталi вернiкаў таксама вершаванымi вiншаваннямi i праваслаўнымi песнямі.

Пасля гэтага выступлення хлопчыкі і дзяўчынкі наведалі землякоў, якiя самi не змаглі прыйсцi на прадстаўленне.

Радасць завітала ў дом да Еўдакii Якаўлеўны Бецька, якая не можа перамяшчацца без каляскi. Дзецi вiншавалi яе, спявалі, расказвалі вершы. У жанчыны на твары з’явiлiся слёзы, яна вельмi дзякавала рабятам. Удзельнiкi гуртка пабывалі і ў Валянцiны Мацвееўны Гатоўчыц, якая таксама была рада такой сустрэчы.

У гэта светлае i цудоўнае свята патрэбны падобныя эмоцыi i пачуццi, асаблiва для людзей пажылога ўзросту i тых, у каго абмежаваныя магчымасцi. Па прапанове настаяцеля Святадухаўскага храма айца Канстанцiна і прыхаджан дзяцей запрасілi на выступленне i ў Жарабковiчы.

Ларыса ГЛЕБ,

бібліятэкар Падлескай сельскай бiблiятэкі.

Добавить комментарий

Ваш e-mail не будет опубликован. Обязательные поля помечены *