Атрадны дэсант

Канікулы – гэта не толькі час адпачынку, але      і магчымасць зарабіць грошай на рэч, пра якую   марыў доўгі час. Такі шанц дае праца ў студэнцкім атрадзе.

У Ляхавіцкім дзяржаўным аграрным каледжы з  18 ліпеня за справу ўзяліся будаўнічы “Флагман” і сэрвісны “Электра”. Рамонт пакояў у інтэрнаце да новага навучальнага года ў першым атрадзе і падрыхтоўка  тэрыторыі да будаўніцтва вытворчага цэха  ў ”Трансэлектракамплекце” ў другім – іх працоўныя клопаты. 27 навучэнцаў  другога і трэцяга курсаў з кіраўнікамі  Наталляй Жаравовай і Пятром Скуратам настроены надзвычай сур’ёзна – зрабіць як мага     больш.