Цягнік па раскладзе. Чыгуначнікі Беларусі 7 жніўня адзначаюць прафесійнае свята
У першую нядзелю жніўня прафесійнае свята адзначаюць прадстаўнікі Беларускай чыгункі – работнікі надзвычай адказныя і сумленныя, а яшчэ вельмі добразычлівыя. Гэта яны скарачаюць адлегласці паміж населенымі пунктамі, перавозяць грузы, дастаўляюць людзей у розныя кропкі свету. А колькі разоў яны дапамагалі вярнуць рэчы, забытыя пасажырамі ў цягніках. Свой уклад у работу чыгункі ўносяць і працаўнікі станцый “Ляхавічы” і “Рэйтанаў” Баранавіцкага аддзялення БЧ. У сярэднім за суткі праз іх праходзяць ад 25 да 30 грузавых, спыняюцца каля 15 пасажырскіх і прыгарадных цягнікоў, разгружаюцца і загружаюцца грузы мясцовых арганізацый. На станцыі “Ляхавічы” можна набыць білет на цягнікі далёкага накіравання, электрапаязды рэгіянальных ліній, вярнуць грошы за куплены праз інтэрнэт білет. Старажылы гэтага дружнага калектыву – вопытныя і кампетэнтныя дзяжурныя па станцыі Іван Шклянік і Ніна Гладкая. Стаж іх працоўнай дзейнасці даўно перасягнуў тры дзесяцігоддзі, і пра родную чыгунку, якая стала іх жыццём, яны могуць расказваць бясконца.
… Кожны з нас хоць аднойчы быў пасажырам цягніка. Таму сёння шчырыя віншаванні адрасуем ім – людзям чыгункі.
Наталля ПЕРАПЕЧКА.
Фота Сяргея ВАРАНОВІЧА.
