Малюнак з натуры
Некалі атрымала ад сяброўкі выдатную параду: каб навесці парадак у кватэры, не трэба старацца за раз ахапіць неабдымнае –
лепш рабіць гэта часткамі, але сістэмна і ўсім членам сям’і. Сапраўды, і сіл менш затраціш, і вынік радуе. Такі падыход не пашкодзіць і ў адносінах да наваколля. Калі ўсе мы перастанем смеціць, дзе папала, камунальнікам застанецца не так і многа – падтрымліваць чысціню і парадак у дварах, месцах адпачынку, на дзіцячых пляцоўках і г.д., упрыгожваць і ўдасканальваць. Пакуль жа да такой ідыліі далёка.
Вечарам у суботу на вуліцах райцэнтра ўбачыла шмат непрыемных малюнкаў, што сведчаць пра бескультур’е і абыякавыя адносіны да наваколля. Каля кантэйнераў для паасобнага збору пластыку, шкла і макулатуры навалены пакеты з бытавым смеццем. Тут жа гуляюць дзеці, на лаўцы сядзяць дарослыя. Няўжо нельга здаць непатрэбныя рэчы ў спецыяльны транспарт, які па вечарах у назначаны час прязджае ў кожны двор? За вуглом нежылога будынка – пакет са смеццем, на вуглу шматпавярховіка – куча з зеллем. Аўтар гэтых непрывабных сюжэтаў – чалавек. А вось тое, што ў двары нядаўна адрамантаванага дома гаспадарыць пустазелле – яўна на сумленні нейкай службы. Якой – высветлім у бліжэйшы час.
Наталля ПЕРАПЕЧКА.
Фота аўтара.
Кантэйнерная пляцоўка ў дварах дамоў па вуліцы Леніна – «пастараліся» некаторыя жыхары.
Месца адпачынку ў Дараве: сорамна за адпачываючых...
Хто ў адказе за гэты пустазельны «лес» у дварах дамоў паміж вуліцамі Леніна і Чкалава?
Никогда не понимала тех, кто бросает мусор где попало. И ещё ждут, когда за ними подберут. За это надо штрафовать, да побольнее, чтоб не повадно было