З арміі – у цывільнае жыццё
Радавыя Дзяніс Бібікаў, Аляксандр Ляпко, Іван Кібак, Сяргей Яцэнка, Антон Дзыгун, Андрэй Касьян, Уладзімір Ліхтар, Вячаслаў Баршчоў і Алег Панкевіч, малодшы сяржант Аляксандр Жук, сяржанты Павел Валасач, Уладзімір Макаронак, Яўгеній Станулевіч і Максім Гусціновіч, яфрэйтар Яўгеній Ясінскі ганарова і дастойна неслі тэрміновую службу ў батальёне кіравання 8-й радыётэхнічнай брыгады войскаў заходняга аператыўна-тактычнага камандавання ваенна-паветраных сіл і войскаў супрацьпаветранай абароны Узброеных Сіл Рэспублікі Беларусь. Служылі на розных пасадах і асвоілі складаныя ваенныя спецыяльнасці, але галоўнае, яны паспяхова выканалі свой воінскі абавязак і, дэмабілізаваўшыся, вяртаюцца да сваіх родных і каханых і пачынаюць новае цывільнае жыццё.
Рабят, якія верай і праўдай служылі ў батальёне, урачыста праводзілі аднапалчане. Лепшыя з лепшых былі ўшанаваны камандаваннем брыгады і батальёна (дарэчы, ён па выніках работы за 2010 год заняў 2-е месца сярод падраздзяленняў брыгады). Камандзір батальёна падпалкоўнік Сяргей Задорскі падзякаваў ваеннаслужачым за паспяховую службу і пажадаў кожнаму знайсці свой шлях у далейшым жыцці.
Армейская загартоўка дапаможа воінам запасу пераадолець любыя цяжкасці і перашкоды. А воінскае сяброўства і ўвогуле – назаўжды.
Сяргей КАЗЛОЎСКІ,
намеснік камандзіра батальёна па ідэалагічнай рабоце
Поздравляю бывших сослуживцев и часть с достойным 2м местом в бригаде!