Капітал у дапамогу
Валянціна Каспяровіч з аграгарадка Ліпск першай у 2017 годзе звярнулася ва ўпраўленне па працы, занятасці і сацыяльнай абароне райвыканкама за прызначэннем сямейнага капіталу. 15 верасня 2016 года сям’я Каспяровічаў стала мнагадзетнай: нарадзілася трэцяе дзіця – сын Ванечка.
Як паведамілі ва ўпраўленні па працы, занятасці і сацыяльнай абароне райвыканкама, летась у Ляхавіцкім раёне сямейны капітал прызначаны 64 сем’ям, з якіх 36 жывуць у сельскай мясцовасці. У большасці з іх нарадзілася трэцяе дзіця, у адзіннаццаці – чацвёртае, у трох – пятае, у адной – сёмае. І ўжо сёлета за прызначэннем сямейнага капіталу звярнуліся
5 сем’яў.
Дзяржаўным клопатам ахоплены ўсе сем’і, якія выхоўваюць дзяцей. У мінулым годзе ў нашым раёне з пазабюджэтнага фонду сацыяльнага страхавання на выплату дапамог па доглядзе за дзіцём ва ўзросце да трох гадоў выдаткавана амаль 410 тысяч рублёў. Акрамя таго, больш за 84 тысячы рублёў – дапамога сем’ям па доглядзе за дзецьмі ва ўзросце ад 3 гадоў і старэйшымі. 91 дзіця ва ўзросце да двух гадоў было забяспечана бясплатным харчаваннем ( па раёне агульная сума на гэта склала амаль 41 тысячу рублёў).
Галіна КАНЬКО.