Пазітыўны погляд
Ляхавічы падключыліся да абласной кансультацыйна-адукацыйнай акцыі “Мой выбар – жыць з пазітывам”, якая нядаўна стартавала на Брэстчыне і прадоўжыцца да верасня.30 студзеня ў СШ №1 інструктар-валеолаг раённай паліклінікі Святлана Пастэрнакевіч, медсястра Алена Казлова і псіхолаг Ганна Клімовіч гаварылі са старшакласнікамі пра шчасце – жыць, пра тое, што гэта шчасце стварае сам чалавек!
Як пазбегнуць стрэсу, дэпрэсіі, не трапіць у залежнасць ад шкодных звычак і многія іншыя карысныя парады пачулі ў той дзень рабяты. Псіхолаг засяродзіла ўвагу бацькоў на захаванні псіхалагічнага здароўя дзяцей, на стварэнні спрыяльнага мікраклімату ў сям’і.
Менавіта на бацьках ляжыць галоўная адказнасць за выхаванне дзяцей, якія пераймаюць паводзіны дарослых членаў сям’і, вучацца ўзаемаразуменню, дабрыні, павазе. Старшакласнікам спецыялісты параілі не трымаць у сабе перажыванні, дзяліцца праблемамі з блізкімі.
Сацыялагічнае апытанне мела мэтай вызначыць узровень стрэсу сярод рабят і настаўнікаў. Крыніцай карыснай інфармацыі сталі і спецыяльна распрацаваныя тэматычныя буклеты. Медыкі вымералі ўсім жадаючым артэрыяльны ціск, узровень глюкозы ў крыві, разлічвалі індэкс масы цела. Тым, у каго выяўлены фактары рызыкі, рэкамендавана наведаць урача.
Як паведаміў галоўны ўрач райЦГіЭ Віталій Ціханаў, дыскусіі, форумы, гадзіны пытанняў і адказаў, гульнявыя праграмы, конкурсы, тэматычныя вечары з прафілактычнай накіраванасцю будуць праходзіць ва ўстановах адукацыі для навучэнцаў сярэдніх і старшых класаў штомесяц.
У межах акцыі запланавана правя-дзенне ў паліклініцы ультрагукавога абследавання шчытападобнай залозы, электракардыяграмы сэрца, агляд акуліста і эндакрынолага.
Наталля ПЕРАПЕЧКА.
Фота Сяргея ВАРАНОВІЧА.
От настроения- минорного или мажорного- зависит очень многое. Не даром говорят, что смех-лекарство от всех болезней. Очень важно и детям, и взрослым, чтобы было в тяжкой ситуации кому поддержать, излить душу.