Кулінарная стратэгія
Ужо год Насця працуе поварам у рэстаране “Ластаўка” – прыйшла сюды па размеркаванні пасля заканчэння Баранавіцкага тэхналагічнага каледжа. Сёння для яе прыгатаваць на абед, напрыклад, 100 найсмачнейшых катлет – не пытанне. Як і зварыць адменны боршч, накарміць, што называецца, па-беларуску – мачанкай і дранікамі – ці прыемна здзівіць нават самага пераборлівага гурмана сакавітымі галанцінамі. Гатаваць апошнія яе навучылі калегі (на рэстараннай кухні, акрамя Насці, шчыруюць яшчэ 3 повары), якія з гатоўнасцю дзеляцца з маладым спецыялістам прафесійнымі сакрэтамі і тонкасцямі. Але галоўнае для поспеху ў любой справе – любоў да прафесіі – дзяўчына атрымала ўсё ж дома, можна сказаць, у спадчыну: бабуля была поварам у Тухавіцкай школе, мама і сёння ім працуе, сястра – кандытар. Такая кулінарная дынастыя.
Святлана БЕЛЬМАЧ.
Фота Сяргея ВАРАНОВІЧА.