Лясны размах. У Ляхавіцкім раёне павялічваюцца лясныя «новабудоўлі»/фота/

Начальнік аддзела лясгаса Кацярына Савва прымае ў акцыі самы актыўны ўдзел...

На цэлых 2 гектары павялічыліся лясныя «новабудоўлі» раёна за мінулую пятніцу. Так плённа пачалі Тыдзень лесу  мясцовы лясгас і яго добраахвотны памочнік – калектыў РАНС. Маладзенькія елачкі, пасаджаныя клапатлівымі рукамі, будуць цягнуцца да сонца, набірацца сілы ва  ўгоддзях Ляхавіцкага лясніцтва – ля вёскі Літва.    Да акцыі маюць намер  далучыцца многія працоўныя калектывы, грамадскія арганізацыі, школьнікі і навучэнцы каледжа. Паўдзельнічалі ў ёй і прадстаўнікі раёнкі. Магчыма, праз некалькі гадоў елачкі, пасаджаныя фотакарэспандэнтам і вадзіцелем «ЛВ», стануць навагоднім атрыбутам  у кватэрах кагосьці з нашых землякоў.     Расці, лес, на радасць усім – шчодра, з размахам! Няхай гэта багацце нашай зямлі толькі прымнажаецца – з дапамогай нераўнадушных людзей.