Рэдакцыя раённай газеты «Ляхавіцкі веснік» – пераможца XIII Нацыянальнага конкурсу друкаваных сродкаў масавай інфармацыі “Залатая Ліцера” ў намінацыі “Лепшыя матэрыялы грамадска-палітычнай тэматыкі”
Рэдакцыя раённай газеты «Ляхавіцкі веснік» – пераможца XIII Нацыянальнага конкурсу друкаваных сродкаў масавай інфармацыі “Залатая Ліцера” ў намінацыі “Лепшыя матэрыялы грамадска-палітычнай тэматыкі”. Лаўрэатам у гэтай жа намінацыі стала пружанская газета «Раённыя будні». За «Лепшыя матэрыялы эканамічнай тэматыкі» званне лаўрэата ў абласной газеты «Заря».
Перамогу ў намінацыі “Лепшыя матэрыялы сацыяльна-эканамічнай тэматыкі” атрымала рэдакцыя газеты «Навіны Камянеччыны». Лаўрэат гэтай намінацыі – столінская газета «Навіны Палесся».
Званне лаўрэата ў намінацыі «Лепшы інтэрнэт-праект» заслужыла Баранавіцкая газета «Наш край». Журналіст «Маяка» Мікалай Сянкевіч стаў лаўрэатам у намінацыі «Лепшая аўтарская калонка».
Шчыра віншуем калег, жадаем далейшых перамог і натхнення!
А яшчэ менавіта на выставе «»СМІ ў Беларусі, у павільёне Брэсцкай вобласці, адбылася значная і важкая падзея – прэзентацыя паэтычнага зборніка “Март” рэдактара “Ляхавіцкага весніка” Вольгі Барадзіной, які выпусціла выдавецтва “Бяловагруп”. Свой водгук на цудоўныя і пранікнёныя вершы Вольгі Пятроўны пакінуў вядомы беларускі паэт Леанід Дранько-Майсюк.
