Рыбу лавілі сеткамі
22 кастрычніка каля 6 гадзін раніцы падчас чарговага рэйду супрацоўнікі Ганцавіцкай міжраённай інспекцыі аховы жывёльнага і расліннага свету на рацэ Шчара каля вёскі Залужжа затрымалі двух мужчын, якія лавілі рыбу забароненымі сродкамі. У сетцы ляхавічаніна і жыхара Баранавічаў было амаль 25 кілаграмаў рыбы шасці найменняў, сярод якіх – краснапёрка, лінь, лешч, шчупак. Навакольнаму асяроддзю нанесена шкода, якую прыродаахоўная служба ацаніла сумай больш як 3 мільёны рублёў. Вырашаецца пытанне аб узбуджэнні па гэтым факце крымінальнай справы па частцы 2 артыкула 281 Крымінальнага кодэкса Рэспублікі Беларусь.
Міхаіл ПІШЧ, начальнік
Ганцавіцкай міжраённай інспекцыіаховы
жывёльнага і расліннага свету