Зямлячкі пра зямлячак
На чарговым пасяджэнні прэзідыума раённай арганізацыі грамадскага аб’яднання «Беларускі саюз жанчын» на чале з яе старшынёй Наталляй Мацкевіч выбіралі зямлячку, вартую быць удзельніцай рэспубліканскага конкурсу «Жанчына года». Аднагалосна ўсе сышліся на кандыдатуры настаўніцы дадатковай адукацыі Крывошынскай СШ Галіны Зыранавай.
Гаварылі члены прэзідыума і пра ролю жанчыны ў жыцці грамадства, вырашэнне многіх пытанняў, асабліва тых, якія датычаць сацыяльных праблем, і пра неабходнасць ствараць новыя пярвічныя арганізацыі ГА «Беларускі саюз жанчын».
— Мы павінны быць у гушчыні грамадскага жыцця, — адзначыла Наталля Мацкевіч, — бо ад нашай думкі, жаночай інтуіцыі, правільнага светапогляду іншы раз залежыць вельмі многае.
У сярэдзіне снежня будзе адзначацца 20-годдзе рэспубліканскага грамадскага аб’яднання «Беларускі саюз жанчын». Далучайцеся!
Аліна ЛАПІЧ