З імем Купалы
Сёлета Ляхавіцкая цэнтральная раённая бібліятэка адзначыла 70-годдзе з дня прысваення ёй імя Янкі Купалы. З 17 лютага 1947 года яна – любімая многімі пакаленнямі землякоў купалаўка.
У вершы нашай зямлячкі Веры Дыдышка, прысвечаным юбілею купалаўкі, ёсць радкі, з якімі пагодзіцца кожны, хто хоць аднойчы заходзіў сюды чытачом ці ўдзельнікам нейкай культурнай падзеі, што праводзілася пад бібліятэчным дахам:
Сапраўды, пад гэтым прызнаннем у любві гатовы падпісацца многія нашы землякі. Ляхавічы, вул. Гагарына, 11 – па добра знаёмым адрасе «жывуць» пісьменнікі-класікі і сучасныя літаратары – беларускія, рускія, замежныя, розных часоў, розных плыняў. Тут утульна адчуваюць сябе казачныя героі і самыя складаныя формулы, падручнікі-энцыклапедыі, перыёдыка і рэдкія выданні. І яшчэ адна акалічнасць, пра якую нельга не ўзгадаць: у бібліятэцы заўсёды працавалі і сёння працуюць людзі, якія не проста любяць кнігу, але пакланяюцца ёй. Імя Купалы робіць сваю справу: тут заўсёды – натхненне, роздум, мастацтва, філасофія… І заўсёдны ўрок самаадданай любві: «Мой родны кут, як ты мне мілы…».
Няхай жа ва ўсе часы людзі ведаюць, як прайсці ў бібліятэку!
Вольга СВЯТЛОВА.
Гэты адрас чытачам за гады стаў дарагім і блізкім. Іду ў бібліятэку ні як у афіцыйную ўстанову, а ў госці да сяброў, якія заўсёды рады сустракаць і вітаць