Хто першым прымчыць на пажар
У той летні дзень у раённым аддзеле па надзвычайных сітуацыях было па-сапраўднаму горача: дух спаборніцтва вітаў паўсюдна. За права звацца лепшым вадзіцелем змагаліся 13 прафесіяналаў з усіх падраздзяленняў РАНС.Кожны ўдзельнік выконваў спецыяльныя індывідуальныя практыкаванні, дэманстраваў навыкі кіравання транспартным сродкам, праходзіў тэсціраванне на веданне правілаў дарожнага руху.
Лепшым вадзіцелем аварыйна-выратавальнага аўтамабіля прызнаны супрацоўнік ПАВП №12 Аляксандр Чабатарэнка, а яго калега Максім Масцілоўскі перамог у намінацыі «Лепшы вадзіцель спецыяльнага легкавога аўтамабіля». У хуткім часе яны будуць прадстаўляць Ляхавіччыну на абласным этапе прафесійнага конкурсу.
Галіна ЗАРЭЧНАЯ.
