У рэжыме баявой гатоўнасці

Сумеснае стратэгічнае вучэнне ўзброеных сіл Рэспублікі Беларусь і Расійскай Федэрацыі «Захад-2017» мае мэтай праверыць магчымасці дзвюх краін па забеспячэнні ваеннай бяспекі Саюзнай дзяржавы, іх гатоўнасці да адбіцця магчымай агрэсіі, а таксама адпрацаваць зладжанасць органаў ваеннага кіравання, пракантраляваць палявую і паветраную вывучку злучэнняў і вайсковых часцей узброеных сіл Беларусі і Расіі.

Да ўдзелу ў сумесным вучэнні прыцягнуты і сілавыя структуры раёна: рабочая група савета абароны Ляхавіцкага раёна і аператыўная група штаба, куды ўвайшлі прадстаўнікі РАУС, РАНС, міжраённага аддзела УКДБ і ваеннага камісарыята. Падчас вучэння аператыўная група дапаможнага пункта кіравання нясе кругласутачнае баявое дзяжурства. Менавіта адсюль адбываецца кіраванне ўсімі сіламі і сродкамі тэрытарыяльнай абароны раёна. Адна з галоўных задач – каардынацыя дзейнасці ўсіх сілавых структур на тэрыторыі раёна. У ходзе дзяжурства падгрупа збірае і аналізуе інфармацыю, якая паступае да аператыўнага дзяжурнага, своечасова рэагуе на змяненні сітуацыі, адпраўляе службовыя данясенні. Падчас вучэнняў былі адпрацаваны шмат уводных, навыкі асабовага складу сілавых структур.

Аператыўная група Ляхавіцкага раёна з пастаўленымі задачамі спраўляецца, паказвае ў ходзе тэрытарыяльнай абароны высокі ўзровень прафесійных навыкаў.

Сяржант Іван Брынза прымае чарговае паведамленне.