«Ляхавічок» – гэта гучыць. СААТ «Ляхавіцкі малочны завод»

Дырэктар малочнага завода Вячаслаў Жукоўскі, спецыяліст па знешнеэканамічнай дзейнасці Аксана Баўтрукевіч, начальнік вытворчасці Людміла Скараход.

Сёння СААТ «Ляхавіцкі малочны завод» прапануе спажыўцам паўсотні найменняў прадукцыі: цэльнамалочнай (малако, кефір, смятана рознай тлустасці, маслянка, тварог), дэсертнай (крэмы, дэсерты, пудынгі, ёгурты і тварожная маса з разнастайнымі напаўняльнікамі), сметанковага масла (запатрабаванага і даўно на выдатна ацэненага пакупнікамі), тварожных плаўленых сыроў.

Ляхавіцкі малочны – буйнейшы ў краіне вытворца тэхнічнага казеіну. Яго, а таксама сметанковае масла і вяршкі прадпрыемства паспяхова экспартуе. У агульным аб’ёме экспарту раёна доля завода перавышае палову.

У аснове якаснай прадукцыі –  сыравіна мясцовай вытворчасці. З пачатку года ў сельгаспрадпрыем-стваў і прыватных малаказдатчыкаў закуплена для перапрацоўкі каля 45 тысяч тон малака. Каб стаць тым, што з задавальненнем набываюць да дамашняга стала ў самых розных кутках Беларусі, яно праходзіць самы строгі кантроль. Ён, між іншым, праводзіцца на кожным этапе вытворчасці прадукцыі, і гэта – неад’емная частка вытворчага працэсу.

Сёлета завод пацвердзіў званне лаўрэата Прэміі Урада Беларусі за дасягненні ў галіне якасці. І гэта высокая ацэнка работы ўсяго калектыву на чале з дырэктарам Вячаславам Жукоўскім, які ўзначальвае прадпрыемства амаль 30 гадоў.

У 2017 годзе СААТ чарговы раз занесена на Галерэю славы Ляхавіцкага раёна за дасягненне высокіх паказчыкаў у сацыяльна-эканамічным развіцці. Дарэчы, тут сярод партрэтаў лепшых работнікаў прадпрыемстваў і арганізацый Ляхавіччыны – і партрэт спецыяліста па знешнеэканамічнай дзейнасці завода Аксаны Баўтрукевіч. А начальніку вытворчасці Людміле Скараход за высокія дасягненні ў прафесійнай і грамадскай дзейнасці сёлета прысуджана спецыяльная прэмія райвыканкама «Чалавек года» ў намінацыі «Прамысловасць, бытавое абслугоўванне, гандаль і паслугі».