У Ляхавічах адключана ацяпленне
У Ляхавічах сёння, 6 красавіка, адключана ацяпленне ў кватэрах, расказалі «ЛВ» у камунгасе. Гэта зроблена ў адпаведнасці з распараджэннем Брэсцкага абласнога выканаўчага камітэта. Што датычыць аб’ектаў сацыяльнай сферы, то ўстановы аховы здароўя прымаюць рашэнне на гэты конт самастойна. У школах жа і дзіцячых садах на выхадныя ацяпленне таксама адключана. Ці будуць грэць батарэі ва ўстановах адукацыі ў панядзелак , пакажа надвор’е.