Пявучая «Спадчына»
Творчыя, цікаўныя, пявучыя – гэта пра юных удзельніц ансамбля народнай песні «Спадчына» і іх кіраўніка Вольгу Якуніну. Двойчы на тыдзень яны збіраюцца на рэпетыцыі ў ГДК, каб сваім чарговым выступленнем зачараваць, уразіць, парадаваць гледачоў і слухачоў. У рэпертуары «Спадчыны» – абрадавыя, жартоўныя, лірычныя народныя песні з элементамі харэаграфіі.
Дарэчы, днямі ансамбль паспяхова пацвердзіў званне «ўзорны», якое носіць ужо больш за два дзесяцігоддзі.
Фота Сяргея ВАРАНОВІЧА.