Усе разам
У межах рэспубліканскага конкурсу па развіцці рухальнай актыўнасці для дзяцей з цяжкімі або з мноствам фізічных ці псіхічных парушэнняў па ініцыятыве цэнтра карэкцыйна-раз-віваючага навучання і рэабілітацыі на базе Крывошынскай СШ прайшло фізкультурна-аздараўленчае мерапрыемства «Усе разам». Удзел у ім прынялі вучні мясцовай школы, выхаванцы і вучні ЦКРНіР.
Каманды «Васілёк» і «Рамонак» спаборнічалі ў спрытнасці, уважлівасці і хуткасці. Па выніках конкурсаў яны паказалі аднолькавыя вынікі — перамагла дружба. Усе дзеці атрымалі граматы і салодкія падарункі ад спонсара мерапрыемства — ІП Галіны Місюк.
Пасля спаборніцтваў удзель-нікі конкурсу былі запрошаны айцом Уладзімірам у храм Пакрова Прасвятой Багародзіцы вёскі Крывошын, дзе праводзілася Богаслужэнне за здароўе ўсіх прысутных. Дзень прынёс шмат станоўчых эмоцый і ўражанняў.
Вольга ЧАРНЯК,
Сацыяльны педагог ЦКРНіР