Разукамплектавалі… У Ляхавіцкім раёне злачынцы разукамплектавалі трактар
Раніцай 18 чэрвеня начальнік прадпрыемства меліярацыйных сістэм паведаміў у РАУС пра крадзёж абсталявання з трактара ПМС, які знаходзіўся на тэрыторыі палігона цвёрдых бытавых адходаў паблізу вёскі Грушаўка. Невядомы ў перыяд з 17 гадзін 15 чэрвеня па 8 гадзін 18 чэрвеня зняў з тэхнікі дзве акумулятарныя батарэі, генератар і электронны блок кіравання.
Супрацоўнікі аддзялення крымінальнага вышуку РАУС устанавілі, што злачынства ўчынілі непрацуючыя ляхавічане 1988 і 1972 гадоў нараджэння. Яны затрыманы, частка ўкрадзенага ў іх канфіскавана.
Па факце крадзяжу РАСК узбудзіў крымінальную справу.
Па інфармацыі УУС Брэсцкага аблвыканкама.
