…І проста прыгажуні! Такія жывуць на Ляхавіччыне

Амаль чатыры гады Вольга Грыцкевіч працуе ў райпаліклініцы. І пасада ў яе надзвычай патрэбная і адказная: Вольга Іванаўна – урач-педыятр. На ўчастку, які вядзе малады, але граматны і ўважлівы спецыяліст, пражывае каля 900 маленькіх і юных ляхавічан –
патэнцыяльных пацыентаў ва ўзросце ад нараджэння і да 18-годдзя.

Працоўны дзень Марыны Вайцешык пачынаецца а палове пятай гадзіны раніцы. Яна аператар машыннага даення ДП «Нача» – сапраўдны майстар гэтай нялёгкай справы. З пачатку года надаіла ад кожнай сваёй рагулі (а іх у статку 60) больш за 4000 кілаграмаў малака.

Сярод лепшых начаўскіх даярак – і Людміла Бубен. Дарэчы, гэта абаяльная жанчына не толькі выдатная працаўніца, а і клапатлівая мнагадзетная мама.

Фота Сяргея ВАРАНОВІЧА.