Дэпутат Палаты прадстаўнікоў Леанід Цупрык працаваў у выбарчай акрузе. Дакладней, у вёсцы Тухавічы і ў аграгарадку Востраў
24 ліпеня дэпутат Палаты прадстаўнікоў Леанід Цупрык працаваў у выбарчай акрузе. Дакладней, у вёсцы Тухавічы і ў аграгарадку Востраў. У Тухавічах адбылася прамая тэлефонная лінія і прыём грамадзян, у Востраве – прыём па асабістых пытаннях. Разам з дэпутатам Парламента працаваў і старшыня раённага Савета дэпутатаў Леанід Калбаса. Такія сумесныя дзеянні ўжо сталі добрай традыцыяй. Пытанні, якія ўздымалі мясцовыя жыхары і грамадзяне, якія прыйшлі на прыём, датычылі медрэабілітацыі, зручнасці транспартных зносін, падтаплення ўчасткаў, кошту звадкаванага газу, стану некаторых вуліц, гучала пенсійная тэма, экалагічная.
Леанід Цупрык пабываў на торфабрыкетным заводзе “Ляхавіцкі”, у Востраўскай і Тухавіцкай СШ. На маршруце дэпутата сярод аб’ектаў сацыяльнага прызначэння былі і тутэйшыя вясковыя магазіны. Леаніда Цупрыка цікавіў асартымент прадукцыі, культура абслугоўвання насельніцтва. Пагаварыў дэпутат з людзьмі, уважліва выслухаў пра хвалюючыя іх праблемы.
Большасць узнятых вяскоўцамі пытанняў, падкрэсліў вынікі прыёму дэпутат парламента, добра вядомы раённай уладзе, яна працуе над іх вырашэннем, адшукваюцца неабходныя сродкі.
У гэты ж день па пытаннях тэмы дня ішла размова старшыні райвыканкама Аляксандра Камінскага і члена парламента Леаніда Цупрыка.
Наглядны прыклад нераўнадушных адносін да праблем выбаршчыкаў. Людзі давяраюць Цупрыку, паважаюць. Мая суседка ўважліва чытае ў газеце пра кожны яго прыём і расказвае пра гэта сваім сяброўкам.