Урачыста, у шыкоўным фармаце святкавалі ў Ляхавічах Дзень работнікаў сельскай гаспадаркі і перапрацоўчай прамысловасці АПК (фота будзе дапоўнена)
Урачыста, у шыкоўным фармаце святкавалі ў Ляхавічах Дзень работнікаў сельскай гаспадаркі і перапрацоўчай прамысловасці АПК.
Працаваў кірамаш, праходзіў конкурс-выстава падвор’яў з усіх сельсаветаў. Народныя майстры і рамеснікі, Ляхавіцкае райпо прадставілі на пл. Леніна сваю прадукцыю: можна было палюбавацца і купіць.
Ушанаванне герояў свята адбылося ў ГДК пры ўдзеле намесніка старшыні Брэсцкага абласнога выканаўчага камітэта Алега Вялічкі, кіраўніка Ляхавіцкага раёна Аляксандра Камінскага, старшыні райсавета дэпутатаў Леаніда Калбаса, гасцей з Лэнчненскага павета Люблінскага ваяводства Рэспублікі Польшча.
Падведзены вынікі традыцыйнага спаборніцтва сярод гаспадарак і ўзнагароджаны пераможцы. Віталі ўсіх удзельнікаў свята самадзейныя артысты.
Адзінаццаты год запар уручаны спецыяльны прыз “Ляхавіцкага весніка”. На гэты раз адрасатам стаў калектыў фермы “Цэнтр” ДП “Нача” (загадчыца Людміла Чарапавіцкая).
