У Ляхавічах запах газу ў пад’ездзе стаў прычынай эвакуацыі жыхароў
Сёння напачатку дзевятай гадзіны вечара ў райцэнтры выратавальнікі РАНС і аварыйна-дыспетчарская газавая служба Ляхавіцкага РГЗ спяшаліся на выклік: з дома №6 па вул. Южакова паведамілі пра запах газу ў пад’ездзе.
Спецыялісты ўстанавілі месца ўцечкі бытавога газу, праветрылі памяшканне і ліквідавалі пагрозу. Каб пазбегнуць наступстваў ад уздзеяння метана, жыхары 3 пад’езда на нейкі час былі эвакуіраваны.
Газавікі прадоўжылі абследаванне 50-метровай зоны ад месца ўцечкі. Аб’ектаў загазаванасці больш не было выяўлена.
Па інфармацыі РАНС.