Крымінал. Здарэнні Ляхавіччыны
20-гадовая жыхарка Вялікай Лотвы днём 6 сакавіка на вуліцы Матросава падышла да пажылой жанчыны і выкрала з кішэні яе адзення 34 рублі. Райаддзел Следчага камітэта ўзбудзіў крымінальную справу па ч.1 арт. 206 КК (грабеж).
4 сакавіка РАСК узбудзіў крымінальную справу па ч.2 арт. 212 (крадзёж шляхам выкарыстання камп’ютарнай тэхнікі) па выніках раследавання ў адносінах жыхаркіаграгарадка Конькі. Яшчэ 13 лютага з дапамогай украдзенай банкаўскай пластыкавай карткі яна зняла і прысвоіла 105 рублёў. Дарэчы, пін-код ад карткі быў указаны на паперы і захоўваўся разам з пластыкам.
Яшчэ адзін ляхавічанін стаў ахвярай камп’ютарных зламыснікаў.
У мінулым месяцы невядомая асоба ўзламала акаўнт мужчыны 1999 г.н. у сацыяльнай сетцы “ВКонтакте” і пачала рассылаць ад яго імя паведамленні знаёмым з просьбай прадаставіць рэквізіты банкаўскіх карт.
РАСК у адносінах неўстаноўленай асобы ўзбудзіў крымінальную справу.
Андрэй СТУДЗЯНІЧНІК, начальнік РАУС.