“Беларускія найгрышы” пакарылі Паставы
Народны ансамбль народнай песні “Народныя музыкі”з Ляхавіцкага ГДК удастоены дыплома лаўрэата II ступені ХХХ Міжнароднага фестывалю народнай музыкі “Звіняць цымбалы і гармонік”, які прайшоў на мінулым тыдні на Віцебшчыне і быў прысвечаны 75-годдзю вызвалення Беларусі ад фашысцкіх захопнікаў.
У музычным фэсце ўдзельнічалі творчыя калектывы і асобныя выканаўцы з розных рэгіёнаў Беларусі, а таксама з Расіі, Грузіі, Латвіі, Літвы, Эстоніі.
Ляхавічане прадставілі на суд гледачоў і журы дзве кампазіцыі “Беларускія найгрышы” і “Беларускімарш і танцы” , аўтарам якіх з’яўляецца заснавальнік калектыву Эдуард Сіліцкі.
“Народныя музыкі” (кіраўнік Святлана Салавей) – равеснік фестывалю і 25 гадоў ён устатусе “народнага”. Усе яго ўдзельнікі: Жанна Хмыз, Аляксандр Дунчык, Жанна Рыжая, Леанід Ткачэнка, Віктар Сабалеўскі, Людміла Ламака, Андрэй Дунчык – асобы творчыя.
Галіна ЗАРЭЧНАЯ.