Рабочая паездка Прэм’ер-міністра ў г.Баранавічы і Ляхавіцкі раён
5 кастрычніка Прэм’ер-міністр Рэспублікі Беларусь Міхаіл Мясніковіч у час рабочай паездкі наведаў Баранавіцкае вытворчае баваўнянае аб’яднанне, дзе цікавіўся ходам мадэрнізацыі прадпрыемства.
Наступным адрасам рабочай паездкі Прэм’ер-міністра быў Ляхавіцкі раён. Міхаіл Мясніковіч цікавіўся ходам выканання прагнозных паказчыкаў сацыяльна-эканамічнага развіцця ў 2012 годзе і перспектывамі эканамічнага росту раёна ў 2013-2015 гадах.
На месцы пазнаёміўся з ходам рэканструкцыі малочнатаварных фермаў Ляхавіцкага раёна. Пабываў на ферме «Вялікая Лотва» СВК «Шлях новы» і ферме «Зарытава» СВК «Жарабковічы».
