Аб сайце

Ляхавічы ў інтэрнэце: заўсёды анлайн www.lves.by/!

Сардэчна запрашаем на http://www.lves.by/! Па гэтым адрасе з лютага 2009 г. «прапісалася» газета “Ляхавiцкi Веснiк”. Дваццаць чатыры гадзіны ў суткі, у любы дзень тыдня мы цяпер анлайн! Думаеце, гэта проста даніна модзе? Не! Пастаянныя чытачы нашай газеты знойдуць для сябе на сайце шмат новага. Акрамя таго, дзякуючы вэб-рэсурсу ў інтэрнэце раённая газета, напэўна, набудзе новую аўдыторыю. Давайце разам зойдзем на сайт і паглядзім, што ж ён з сябе ўяўляе.

Публікацыі з газеты. Навіны рэспублікі і Ляхавіцкага раёна ў рэжыме анлайн. Галоўныя падзеі дня. Каментары чытачоў. Інтэрактыўныя абмеркаванні. Бліц-апытанні. Відэасюжэты. RSS-рассылкі. Прагноз надвор’я. Магчымасць чытаць газету на экране мабільнага тэлефона. Прычым гэта далёка не ўсе. У рэдакцыі газеты “Ляхавiцкi веснiк” шмат задумаў па напаўненні новага сайта. Давайце будзем абмяркоўваць і рэалізоўваць іх разам.

Навіны тут і зараз

Для друкаванага выдання сайт у Інтэрнэце – гэта рэпутацыя, пашырэнне аўдыторыі, магчымасць правядзення галасаванняў, абмеркаванняў, форумаў … Па статыстыцы, у Беларусі налічваецца 3,1 млн. карыстальнікаў інтэрнэту. Шырокапалосны інтэрнэт выкарыстоўваюць больш за 500 тыс. чалавек. Колькасць актыўных карыстальнікаў мабільнага інтэрнэту ў нашай краіне дасягае 600 тыс. Даступныя інтэрнэт-тэхналогіі і жыхарам Ляхавіцкага раёна: дастаткова набраць у браўзэры http://www.lves.by/, і вы на сайце газэты “Ляхавiцкi веснiк”!

Так, дарэчы, мы спадзяемся, што ў будучыні сайт ператворыцца ў гарадскі партал. Думаем, на сайце трэба размяшчаць не толькі матэрыялы газеты, але і іншую інфармацыю, што датычыцца горада. Публікацыі на сайце будуць з’яўляюцца не два разы на тыдзень, а амаль штодня. Побач з кожным матэрыялам з гэтага часу ўказваецца час яго размяшчэння на сайце. Вы ў рэжыме анлайн заўсёды будзеце ў курсе падзей, якія адбываюцца ў Ляхавіцкім раёне.

Нам важна ваша меркаванне!

Для нас галоўныя менавіта вы – нашы чытачы. Таму на сайце асаблівая ўвага нададзена зваротнай сувязі. Да кожнага матэрыялу можна пакінуць свой каментар. Прычым каментары публікуюцца ў інтэрнэце адразу ж. Папярэдняя мадэрацыя адсутнічае. Прапаноўвайце ў рэжыме анлайн что-то новое, разважайце, пытайцеся, крытыкуйце. Мы вельмі шануем сувязь рэдакцыі з чытачамі. Думаем, што ў інтэрнэце яна будзе не менш цеснай.

Карысная функцыя нашага сайта – інтэрактыўныя галасаванні. Кожны тыдзень на новым сайце газэты “Ляхавiцкi Веснiк” будуць размяшчацца новыя апытанні. Правядзенне розных конкурсаў – яшчэ адна асаблівасць новага сайта газеты. Прапануйце сваю ідэю конкурсу, і яна абавязкова будзе рэалізавана.

Глядзі, чытай, слухай!

Публікацыя відэасюжэтаў на сайце – яшчэ адна навінка. Для прагляду відэа, зразумела, неабходны шырокапалосны доступ у інтэрнэт. Відэаролікі, як правіла, дастаткова кароткія (да 5-7 хвілін). Плануецца, што на сайце кожны тыдзень будуць размяшчацца відэасюжэты, падрыхтаваныя журналістамі анлайнавай рэдакцыі. Прычым вы самі можаце прапанаваць тэму для відэарэпартажа. Акрамя відэа, на сайце газеты ў бліжэйшы час з’явяцца аудыёпадкасты – перадачы ў фармаце mp3, якія можна як праслухаць у рэжыме анлайн, так і спампаваць на кампутар або мабільны тэлефон.

Пры дапамозе RSS-падпіскі можна сачыць за новымі публікацыямі, якія з’яўляюцца на сайце, а таксама падпісвацца на свежыя каментары. Гэта вельмі зручна для «прасунутых» карыстальнікаў інтэрнэту, бо эканоміць час і трафік. Зайшоўшы на сайт і не знайшоўшы там нічога новага, міжволі адчуваеш, што дарэмна страціў час. Іншая справа – убачыць, што ёсць абнаўленні, і праглядзець іх, калі настане зручны момант. Падобная тэхналогія ў корані мяняе спосаб атрымання патрэбнай інфармацыі. Навіны Ляхавіцкага раёна самі прыходзяць да вас!

Гартаючы старонкі… сайта

Думаем, што навігацыя па новым сайце газеты “Ляхавiцкi Веснiк” http://www.lves.by/ будзе не больш складанай, чым перагортванне старонак газеты. У верхняй частцы размешчаны раздзел «Стужка навін» ў выглядзе слайд-шоу. Замест таго, каб пераходзіць па розных раздзелах сайта ў пошуках найбольш важных матэрыялаў, вы можаце хутка праглядзець іх без вертыкальнай пракруткі і непатрэбных рухаў мышкі. «Карусель» публікацый эканоміць час і факусіруе ўвагу на самых рэйтынгавых матэрыялах нумара.

Спажыўцы інфармацыі сёння патрабуюць ад сайтаў газет прадастаўляць кантэнт ў розных фарматах (тэкст, аўдыё, відэа, фота), аператыўна і ў любы час. Падкастынг, RSS-паток, вэб-тэлебачанне, навіны анлайн – гэтыя Інтэрнэт-сэрвісы для нас да пары да часу былі ў дзівоцтва … У гэтай сувязі хацелася б заўважыць, што новы сайт нашай газеты па максімуме адпавядае стандартам онлайн-журналістыкі. Прычым яго напаўненнем займаюцца студэнты новай спецыяльнасці «Журналістыка (вэб-журналістыка)» Інстытута журналістыкі БДУ: яны-то ведаюць, як зрабіць сайт папулярным, чытае і наведваемым.

Будучыня за вэб-журналістыкай!

Думаем, што найбольшы поспех у Беларусі сёння забяспечаны тым анлайн-версіям традыцыйных СМІ, якія не капіруюць іх, а абнаўляюцца ў рэжыме рэальнага часу і прапануюць чытачам шматлікія дадатковыя паслугі. Многія газеты ў апошні час кардынальна змянілі свае сайты. Пры публікацыі матэрыялаў выконваецца прынцып “спачатку ў сетцы, затым – у друкаванай версіі». Па сутнасці, добра зробленая электронная версія выдання – гэта асобнае СМІ.

Пакаленне XXI стагоддзя аддае перавагу новым, высокатэхналагічным спосабам атрымання інфармацыі. Калі газеты хочуць захаваць маладых чытачоў, ім неабходна выходзіць на новыя, звыклыя і зручныя для іх платформы. Што мы і робім. Прапаноўвайце свае тэмы, абменьвайцеся інфармацыяй, каментуйце публікацыі, ўсяляк ўдзельнічайце ў працы сайта http://www.lves.by/! Інтэрнэт адкрывае перад газетай мноства магчымасцяў.

Сардэчна запрашаем у будучыню разам з новым сайтам газеты “Ляхавiцкi Веснiк”!