Заплаціць!
У чэрвені гэтага года было выяўлена незаконнае падключэнне водаправода да кватэры № 2 у доме № 4 па вуліцы Палявой у аграгарадку Нача. Гаспадар кватэры Ю. А. Бецька не заключыў дагавор з камунгасам на карыстанне вадой і не ўстанавіў вадамеры.
Камунгас накіраваў згаданаму грамадзяніну прадпісанне, у якім папярэдзіў: калі запазычанасць перад камунгасам не будзе пагашана, спыніцца падача вады, а запазычанасць будзе спагнана праз суд. Да ўказанага тэрміну Ю.А. Бецька не разлічыўся за даўгі, таму падача вады была спынена. У ліпені прадпрыемства звярнулася ў суд з іскам аб спагнанні запазычанасці з даўжніка. Апошні, дарэчы, прысутнічаў толькі на адным з 4 судовых пасяджэнняў. 19 жніўня судом Ляхавіцкага раёна было вынесена рашэнне аб спагнанні з Ю. А. Бецькі на карысць КУМВП ЖКГ “Ляхавіцкая ЖКГ” сумы запазычанасці ў памеры 1348680 рублёў. Каб выплаціць доўг, даўжніку давялося ўладкавацца на працу. У жніўні ён адпрацаваў у ДУ “Нача” 17 рабочых дзён, больш на работу не выйшаў і быў звольнены за прагулы…
Таццяна ЛЯШУКОВА,
юрысконсульт Ляхавіцкай ЖКГ