Дарожныя сітуацыі ў Ляхавіцкім раёне
Вечарам 12 студзеня на аўтадарозе Ляхавічы-Крывошын-Свяціца, недалёка ад вёскі Крывошын, вадзіцель Рэно няправільна выбраў скорасць руху, не ўлічыў умовы надвор’я і з’ехаў у кювет.
У ДТЗ ніхто не пацярпеў. Машына атрымала механічныя пашкоджанні.
Устаноўлена, што вадзіцель 1980 г.н., жыхар Баранавічаў, быў цвярозы.
Праз пару гадзін на 23-ім кіламетры аўтадарогі Баранавічы — Ляхавічы пры сустрэчным раз’ездзе Аўдзі А6 і фуры МAN з даху прычэпа аўтацягніка на лабавое шкло аўтамабіля ўпала льдзіна.
У ДТЗ ніхто не пацярпеў, шкло атрымала пашкоджанні.
Вадзіцелі былі цвярозыя. У дзеяннях вадзіцеля фуры парушэнняў не выяўлена.
Аляксандр АНІКЕВІЧ, старшы дзяржаўтаінспектар АДАІ.