Пасуботнічалі!

Актыўны ўдзел у суботніку прынялі і жыхары Ляхавіччыны: на працоўных месцах, з садовым інвентаром у парках і скверах, на добраўпарадкаванні аздараўленчага лагера “Чайка” і стадыёна “Колас”, помнікаў і абеліскаў. Старшыні райвыканкама Вячаслаў Сельмановіч і райсавета дэпутатаў Яўгеній Юрлевіч разам з работнікамі райвыканкама добраўпарадкавалі тэрыторыю палацава-паркавага ансамбля “Грушаўка”.

Па падліках аддзела ідэалагічнай работы, культуры і па справах моладзі райвыканкама, “пасуботнічалі” 10,5 тысячы нашых землякоў. У фонд суботніка ляхавічане пералічылі больш за 158 мільёнаў рублёў.

Фота Сяргея ВАРАНОВІЧА.

Працоўны дэсант у мінулую суботу высадзіўся ў палацава-паркавым ансамблі «Грушаўка».