Цыгарэта – зброя супраць вашага здароўя. 17 лістапада – Сусветны дзень некурэння

Прывыканне да цыгарэты фарміруецца паступова, пасля пэўнага часу курэнне становіцца цягай, і чалавек не можа без яго абыходзіцца. Пры курэнні ўтвараюцца смолы, у якіх утрымліваецца не менш за 40 розных шкодных рэчываў, якія    згубна ўздзейнічаюць на арганізм чалавека. Чым больш інтэнсіўная зацяжка тытунёвым дымам, тым хутчэй праяўляецца яго таксічнае дзеянне. Найбольш актыўным рэчывам, што ўваходзіць у састаў тытуню, з’яўляецца нікацін. Ён уключаецца ў працэс абмену рэчываў і становіцца неад’емнай яго  часткай. Адсутнасць у арганізме нікаціну выклікае раздражняльнасць, парушэнне сну, патрэбу зноў і зноў цягнуцца за цыгарэтай.

У выніку ў курца рана ці позна ўзнікаюць паталагічныя змяненні ў дыхальных шляхах, страўнікава-кішачным тракце, сасудах сэрца, мозгу, ніжніх канечнасцях, што прыводзіць да развіцця розных захворванняў, а таксама скарачэння тэрміна жыцця.

Асабліва курэнне небяспечна для падлеткаў.  Калі курыць цяжарная жанчына, яна атручвае не толькі сябе, але яшчэ і ненароджанае дзіця, парушае нармальнае яго развіццё. Павялічваецца пагроза заўчасных родаў, выкідышаў. З малаком жанчыны, якая курыць, тытунёвыя яды паступаюць у арганізм малыша, акрамя гэтага пад уплывам курэння змяншаецца колькасць і якасць  малака.

Ёсць яшчэ адна дэталь, вельмі сур’ёзная, пра якую, на жаль, не ўсе памятаюць. Існуе тэрмін “пасіўнае курэнне”. Прымяняецца ён да лю-дзей, якія не па сваёй волі вымушаны ўдыхаць тытунёвы дым. Каля 50 працэнтаў яго выдыхаецца курцамі ў паветра памяшкання, дзе могуць быць і  іншыя людзі. І ім даводзіцца ўдыхаць столькі шкодных рэчываў, нібы яны самі выкурылі некалькі  цыгарэт.

Дзеля самага каштоўнага дару прыроды – свайго здароўя і здароўя людзей         вакол – лепш не курыць. Калі вы пакуль яшчэ курыце – кідайце! Гэта зрабіць ніколі не позна.