На “Летнім разгуляі” добра пагулялі
У нядзелю вечарам народны клуб аматараў песні, гумару і гульні “Вечарніца” Навасёлкаўскага СДК спяваў, весяліў, ствараў выдатны настрой ляхавічанам і гасцям горада .
На праграму «Летні разгуляй» на плошчы Леніна сабралася больш як сотня гледачоў. І, напэўна, ніхто з іх не пашкадаваў—“Вечарніца” ўмее і любіць ствараць цудоўную атмасферу і з задавальненнем дзеліцца з землякамі сваёй творчасцю.
Калі канцэрт закончыўся, а гледачы разыходзіліся, артысты збіралі апаратуру, да мастацкага кіраўніка ансамбля Таццяны Пішч падышла дзяўчынка, якая ледзь не плакала: з сябрамі спазніліся і не паспелі паслухаць выступленне.
-Гэтыя словы –лепшае прызнанне нашай творчасці. Прыемна, што і юным землякам падабаюцца такія выступленні, — расказвае Таццяна Пішч.
І,канешне ж, самадзейныя артысты не маглі пакінуць без увагі просьбу: акампаніятар”Вечарніцы” Іван Пішч дастаў баян і зайграў мелодыю “Пусть бегут неуклюже”. Спявалі і дзеці, і дарослыя!
Галіна ЗАРЭЧНАЯ.
Фота з архіва клуба аматараў песні, гумару і гульні “Вечарніца” Навасёлкаўскага СДК.
