Мы вас памятаем, танкісты!
У гісторыі нашай краіны ёсць падзеі, якім наканавана заўсёды жыць у памяці пакаленняў. Адна з іх – Вялікая Айчынная вайна. Даўно адгрымелі яе залпы але памяць пра тое, якой дарагой цаной было заваявана шчасце жыць і працаваць пад мірным небам, жыве ў пакаленнях.
Прайшоў час, але шрамы вайны засталіся. У кожным раёне ёсць свяшчэнныя месцы, дзе вечным сном спяць героі, якія аддалі сваё жыццё за Перамогу, за свабоду нашай Радзімы. У кожным горадзе і вёсцы месцы баёў адзначаны абеліскамі. Помнікі з чырвонымі зоркамі захоўваюць імёны загінулых байцоў.
Нямала помнікаў і абеліскаў ёсць і на нашай ляхавіцкай зямлі. Яны заклікаюць нас не забываць пра трагедыі вайны. Людзі прыходзяць сюды, каб выказаць свае смутак, любоў, удзячнасць салдатам, якія абаранялі Радзіму. Яны застануцца жывымі ў нашай памяці назаўсёды.
Нашы рабяты сталі клапатлівымі гаспадарамі помніка воінам-танкістам, якія загінулі ў баях за вызваленне Ляхавічаў у 1944 годзе. Тут пахаваны астанкі 23 танкістаў – афіцэраў і салдатаў – розных узросту і нацыянальнасцей. У баях за Ляхавічы адзначыліся
экіпажы 65-га асобнага танкавага палка лейтэнанта Лутошына і малодшага лейтэнанта Ветрава.
Усяго танкістамі палка было знішчана 150 салдатаў і афіцэраў праціўніка, чатыры зброі, шэсць кулямётаў і падбіта два танкі. Падчас бою быў забіты і малодшы лейтэнант Ветраў. Прыбіранне каля помніка, догляд за кветкамі і ўскладанне вянкоў у памятныя даты – усім гэтым займаюцца на працягу многіх гадоў педагогі і навучэнцы гімназіі. На сайце гімназіі размешчана інфармацыя пра пахаванні № 99: спісы загінулых воінаў, апісанне подзвігаў і карта воінскіх пахаванняў горада і раёна.
Напярэдадні Дня Перамогі гімназісты прынялі ўдзел у рэспубліканскай акцыі «Вянок Славы». Зроблены ўласнымі рукамі вянок «Кветкі Перамогі» быў урачыста ўскладзены да помніка.
Дзякуй вам, салдаты і афіцэры Вялікай Айчыннай! Мы ўдзячны за тое, што жывём і вучымся, за тое, што наша Радзіма свабодна дыхае пад блакітным небам у акружэнні зялёных лясоў і блакітных азёр.
Гімназісты.
