Маладзёжная ўвага. Стартаваў першы этап рэспубліканскай акцыі «Моладзь за бяспеку»

Стартаваў першы этап рэспубліканскай акцыі «Моладзь за бяспеку».

Супрацоўнікі РАНС, ТЦСАН, актывісты Беларускай маладзёжнай грамадскай арганізацыі выратавальнікаў-пажарных Начаўскай СШ адправіліся ў домаўладанні адзінокіх пенсіянераў, якія пражываюць у аграгарадку: сам-насам ім цяжка справіцца з восеньскімі работамі, вырашыць нейкія бытавыя пытанні. Юныя выратавальнікі актыўна наводзілі парадак на прыдамавой тэрыторыі, а таксама ў дамах. Падчас сумеснай дзейнасці прадстаўнік РАНС расказаў, як правільна паліць печ, для чаго неабходны пажарны апавяшчальнік, і як забяспечыць яго правільную работу. На развітанне гаспадыням падворкаў госці падарылі буклеты з карыснымі парадамі ад МНС.
Таццяна КАЛГУШКІНА, інспектар РАНС.