ПАВАЖАНЫЯ ПРАЦАЎНІКІ І ВЕТЭРАНЫ АГРАПРАМЫСЛОВАГА КОМПЛЕКСУ ЛЯХАВІЦКАГА РАЁНА!
Прыміце шчырыя віншаванні з прафесійным святам – Днём работнікаў сельскай гаспадаркі і перапрацоўчай прамысловасці АПК!
Сёння ад поспехаў сельскагаспадарчай і перапрацоўчай галін у многім залежыць далейшае ўмацаванне сацыяльна-эканамічнага патэнцыялу і нашага раёна, і ўсёй дзяржавы.
Праца селяніна заўсёды была нялёгкай, таму і адносіліся да яе з асаблівай павагай і пашанай. Прыродная мудрасць, руплівая праца, стойкасць, цярпенне і, галоўнае, працавітасць – гэта тыя рысы, якія вызначаюць працаўнікоў вёскі.
Дзякуючы вашым старанням, прафесійнаму майстэрству, вернасці свайму прызванню і адказнасці, Ляхавіччына – з хлебам і клапоціцца пра дзень заўтрашні.
Дзякуй вам за любоў да зямлі, адданасць справе, сялянскую мудрасць і працавітыя рукі.
Разам з сардэчнымі словамі віншавання прыміце шчырыя пажаданні дастатку ў вашых дамах, шчасця і дабрабыту вам і вашым сем’ям і словы глыбокай ўдзячнасці за працу. Здароўя, невычарпальнага натхнення і поспехаў на карысць раёна, Брэстчыны і Беларусі!
Раённы выканаўчы камітэт. Раённы Савет дэпутатаў.
