Волонтерское движение становится все более популярным среди учеников школ Ляховичей
Валанцёрскі рух становіцца ўсё больш папулярным сярод вучняў школ райцэнтра. Многіх рабят захапляе магчымасць рабіць дабро людзям. Вучні СШ №2 на працягу месяца ўдзельнічалі ў акцыі “Пяць бульбін”, якая з’яўляецца часткай рэспубліканскай акцыі “Дапаможам перажыць зіму”. Валанцёры збіралі ў гараджан бульбу, сталовыя буракі, моркву (хто колькі змог ахвяраваць) і прыносілі ў школу. Пасля заканчэння акцыі стала вядома, што яны змогуць забяспечыць на зіму агароднінай 5 адзінокіх састарэлых.
Добрымі справамі валанцёраў кіруе настаўніца гісторыі, вельмі нераўнадушны і творчы чалавек Нэлі Пастушак. Дарэчы, па выніках абласнога конкурсу валанцёрскіх атрадаў “Шляхам добрых спраў”, асноўнымі мэтамі якога з’яўляліся фарміраванне ў моладзі грамадска-патрыятычных пачуццяў, пазітыўных маральна-каштоўных установак і міласэрнасці, стымуляванне творчага патэнцыялу, далучэнне да актыўнай добраахвотніцкай грамадскай дзейнасці, Нэлі Пастушак стала лепшым кіраўніком валанцёрскага атрада. Гонар свайго раёна яна будзе абараняць на абласным форуме валанцёраў.
Алеся МАКРЭЦКАЯ,
вучаніца СШ №2 г. Ляхавічы.