До выборов в местные Советы депутатов остались считанные дни
Гатоўнасць нумар 1
Да самай галоўнай палітычнай падзеі года – выбараў у мясцовыя Саветы дэпутаў – засталіся лічаныя дні. 23 сакавіка мы прыйдзем на выбарчыя ўчасткі, каб выканаць грамадзянскі абавязак – аддаць свой голас за людзей, якія будуць прадстаўляць нашы інтарэсы ў прадстаўнічых органах дзяржаўнай улады.
У Ляхавіцкім раёне сфарміраваны 34 участковыя выбарчыя камісіі. На 38 дэпутацкіх мандатаў (столькі выбарчых акруг створана на тэрыторыі раёна) прэтэндуюць 40 кандыдатаў.
Адзін з участкаў для галасавання традыцыйна размяшчаецца ў ГДК “Райаграсэрвіс”. У спісах для галасавання на Ляхавіцкім-Кастрычніцкім участку № 5 – жыхары вуліц Кастрычніцкай, Вакзальнай, Заходняй, Арлоўскага і шэрагу іншых – больш за 600 выбаршчыкаў. Ужо сёння тут практычна ўсё гатова да выбараў: устаноўлены кабіны для галасавання, падрыхтаваны урны, аформлены інфармацыйныя стэнды для выбаршчыкаў, прадугледжаны месцы для назіральнікаў. У будынку арганізавана дзяжурства членаў камісіі, і любы выбаршчык гэтымі днямі можа атрымаць тут неабходную кансультацыю па выбарах у мясцовыя Саветы дэпутатаў.
Фота Сяргея ВАРАНОВІЧА.