Гумар, што дапамагае паверыць у сябе

Творчасць для людзей з інваліднасцю з’яўляецца арыенцірам, які дапамагае паверыць у сябе. Стала добрай традыцыяй праводзіць сумесныя сустрэчы і мерапрыемствы, якія збіраюць сяброў з аддзяленняў дзённага знаходжання для інвалідаў суседніх раёнаў.

10 красавіка ў актавай зале Ляхавіцкай ЦРБ праходзіла конкурсна-гульневая праграма “Красавіцкая юмарына”. У ёй, акрамя гаспадароў, удзельнічалі прадстаўнікі аддзяленняў дзённага знаходжання для інвалідаў гарадоў Ганцавічы, Баранавічы і пасёлка Жамчужны Баранавіцкага раёна.

З прывітальным словам да ўдзельнікаў сустрэчы звярнулася начальнік упраўлення па працы, занятасці і сацыяльнай абароне райвыканкама Дзіяна Трысцень.

Госці мерапрыемства і гаспадары прымалі актыўны ўдзел у гульнях, конкурсах і юмарыстычнай праграме, дэманстравалі майстар-клас па сцэнічным мастацтве. Музычныя нумары былі падрыхтаваны навучэнцамі-валанцёрамі СШ № 2 г. Ляхавічы.

Дырэктар ТЦСАН Галіна Пішч уручыла гасцям сувеніры з пажаданнямі творчых поспехаў.

Арганізатары і ўдзельнікі сустрэчы ўдзячны спонсару мерапрыемства – ТАА “Трансэлектракамплект”.

Жанна ПРЫВОЛЬНЕВА,

спецыяліст па сацыяльнай