Крымінал. Здарэнні Ляхавіччыны

Аварыйная субота…

Каля 17 гадзін 30 жніўня ў Ляхавічах на вуліцы Юбілейнай адбылося дарожна-транспартнае здарэнне з удзелам легкавога аўтамабіля і матацыкла (кіравалі транспартнымі сродкамі ляхавічане). У выніку ДТЗ траўмы атрымалі матацыкліст і яго пасажырка. РАУС праводзіць праверку.

Мікалай ДЫЛЕЎСКІ,

старшы дзяржаўтаінспектар

АДАІ РАУС.

…і трывожная нядзеля

У нядзелю 31 жніўня ў раённы аддзел унутраных спраў паступіла паведамленне пра тое, што ў лясным масіве каля аграгарадка Ліпск знойдзены труп мужчыны. Раённы аддзел Следчага камітэта праводзіць па даным факце праверку.

У гэты ж дзень у Крывошыне адзін вясковец ударыў нажом другога. Пацярпелы з раненнямі дастаўлены на лячэнне ў Ляхавіцкую райбальніцу. Падазроны ў нанясенні цялесных пашкоджанняў затрыманы. РАСК узбудзіў крымінальную справу па частцы 1 артыкула 147 Крымінальнага кодэкса Рэспублікі Беларусь.

Аляксандр ТРАЯНОЎСКІ,

намеснік начальніка.

Ляхавіцкага РАСК.